|
| 29/12放工後出紅磡等Kelvin,之後去咗TST i Square行咗陣.
晚上七點半去''稻香''同佢D同學仔打邊爐,聽佢地傾番細個D嘢已經好搞笑.
之後影下相咁,食完都成十一點,跟住返觀塘,凌晨十二點半覺覺豬...好快瞓著咗~
30/12早上七點起身,之後同Kelvin一齊行去巴士站搭車返工.落住微微細雨...真浪漫~
| | |
| 好感恩我們能在一起渡過每一個佳節!!Thank God!!
如果每個人都能以感恩的心看世界,就會發現處處都是真善美.
Kelvin: 衷心感謝你對我家人的關懷及包容. | | |
| 24/12平安夜~下晝一點收工返觀塘屋企等Kelvin,之後一齊到吉之島買嘢.
晚上Kelvin煮白汁洋蔥黑椒火腿意粉,跟住睇碟,玩紙牌大富翁,覺覺豬...
25/12聖誕節~早上九點幾起身,我,Kelvin同Aunte去飲茶.
跟住搭車入天水圍濕地公園,到晚上到油麻地食''煲仔飯''.
Maymay's Home ---> 
返到觀塘抖咗陣就準備去Maymay屋企玩,Monie,兔仔,Henry,Eva,Alili,,Karen,
識咗d新朋友仔Cora,Van,Emily,Fion,Ho Ching,Toby...一齊玩遊戲,交換禮物.
玩到凌晨五點半,飛的返觀塘,洗完白白已經天光,即覺覺豬....即瞓著...
26/12瞓到下晝兩點幾,煮嘢食.之後睇碟,又準備出街街.
六點搭車到會展睇''新城勁爆頒獎禮'',好多歌星,我主要梗係係睇''實力非凡張敬軒''啦!!
睇完之後搭車到觀塘食煲仔飯,返到屋企就覺覺豬Lu...覺得有d攰喇~
27/12瞓到一點,之後落街街買麥當勞食.返到上去執櫃,熨衫...
晚上到Apm食''味千拉麵'',天氣已經好凍....搞埋d濕碎嘢瞓覺...
d個假期真係過得好快,期待31/12晚IFC倒數....Yeahhhhhhhh~ ^^ | | |
| 相愛的人,感情濃烈,如膠似漆分不開.你對我的著緊關心,呵護,照顧,體貼...總令我心暖.
我很想告訴你: 我感到幸福...微笑了... 也許你只要再細心一點,再邁進那麼一小步就足夠了.
愛可以無限大,只要你願意付出,就算沒有回報,你也會感到幸福,因為一切都是值得的.
: 世上並沒有理所當然的事 願每個人都能珍惜當擁有的時候 : | | |
| 18/12放工後出紅磡等Kelvin收工,之後一齊到油麻地食清湯腩,點知去錯對面嗰間.
19/12起身煮早餐,Kelvin返工後我就準備煮''家鄉菜豬肉砵'',兩日前醃好,要蒸成兩個鐘.
到中午十二點出紅磡食''四川麻辣嘢'',叫咗少辣,但係都覺得辣,我同Kelvin飲咗兩礶可樂.
之後搭車落香工,到四點幾就返觀塘,晚上八點半同Kelvin一家人做冬食飯,八餸一湯.
夜晚同Kelvin兩個人玩紙牌大富翁,結果兩勝兩負,未能分出高下.哈哈!!凌晨三點幾覺覺豬...
20/12瞓到中午十二點半,去食車仔麵,之後到Elements行陣,再去Starbucks飲嘢,五點半入場睇''風雲2''.
睇完我地決定再去油麻地食清湯腩,今次冇錯喇...''澳門九記清湯腩王'',叫咗清湯腩河同咖哩豬扒飯.
返到觀塘九點半,之後整下D濕碎嘢就去瞓覺Lu...好攰好攰,我地好快就瞓著咗喇...zzZZZZZ | | |
|
